Actor-singer Ayushmann Khurrana itoh tai laga fan khan logote music pora loikena milibole ase kile koile tai pora ekta social media contest launch kori ase, tate tai pora notun singers khan tai logote gaana bonaibole pabo.
Tai pora etu contest toh Facebook te anibo.
“Moi hotai social media aro music milaikena kibah koribole mon jai thakise. Moi besi talented aro bhal musicians ke moi laga social media platforms te logpaise aro moi ekta opai bonaikena tai khan logote music pora loikena mili bole mon jai.
“Moi pora etu kaam ke Jam Sessions koikena naam dise. Etu toh simple ase aro asol toh khali artistes khan nijor laga hisab pora ekki logote kaam koribole paribo nimite. Music toh hotai moi laga first love ase aro etu project toh moi laga mon logote besi osor ase. Pura India laga tatlented artist khan logote logpaikena kaam koribole moi besi khusi ase,” tai pora koise.
Etu laga maksat toh besi artist khan jamma koribole ase.
“Etu contest toh khali singers khan karne nahoi. Kono bi moi logote milibole mon jowa khan toh khali tai laga gaana koriya video nahoile tai khan pora monjur koriya musical intrusment bajaiya video edit nakorikena bothaibo laagibo. Ekbar contest khotom hoise koile, moi konoba gomti lucky winners logote kotha koriboa aro ekki logote music bonaibo. Etu kadam pora moi phabana ase ki moi pora ekdam bhal konoba artists aro konoba sundor music olaibo,” etu actor pora koise, kono pora “Paani da rang”, “Saadi galli aaja” aro “Nazm nazm” nisina tracks gaise.
Add Comment