Actress aro reality star Meghna Naidu kono toh ekbar pora naam dangor hoise pora janai dise ki tai shaadi hoikena twei saal hoise. Meghna pora janai dise ki tai logai kena tennis player Luis Miguel Reis logote shaadi hoise. Choi saal ekki logote thakiya bicchete tai tweijun toh December 25, 2016, te Mumbai te shaadi hoise. Twei saal nimite etu tweijun pora tai jun laga shaadi laga khobor toh logaikena rakhise. Khobor logote kotha koriya samoy te, Meghna pora koise, “Luis aro moi jun toh shaadi bicchete manu khan pora diktar nadiya samoy toh khusi pora pittaise. Moi jun toh ekko gomti howa nisina laagiya nai kile koile moi khan laga ghor manu aro saathi khan pora etu khobor toh jaaniye thakise. Aro moi toh dangor shaadi ke eman khusi napai. Moi laga shaadi toh moi laga phabana nisina loise.”
Meghna laga papa pora tai ke Luis toh tennis court te 21 saal aagete log pai dise. Meghna pora milaikena koise ki, “Tai toh moi pora dos saal dangor ase aro tai toh moi ke besi baccha ase koikena phabana korise. Tai toh moi logote aatha saal aagete social media te log paise aro moi jun wapas ekki logote ahise. Moi Luis logote date kori ase koikena kowa ke moi laga maa-papa toh besi khusi paise. Tai khan pora pohoila kowa kotha toh tai bhal manu ase koise.”
Meghna toh Jodha Akbar, Fear Factor – Khatron Ke Khiladi aro Dancing Queen nisina konoba show khan laga hisa thakise.
Add Comment