NBSE bithor te thaka registered private schools khan hudai saal bishi nutun manu khan ke Principal, Headmaster nohoile headmistress bonaideh .Etu nishena Government khan ke promote kuri diya hudai sal hoi.
Schools te thik thak management khan thakibole nimete ekta meeting Conference Hall, NBSE 24th April 2019 te thakishe nutun heads khan logote .Sob milaikena 69 nutun head of institutions khan meeting te ahise .
Etu meeting te schools khan te nutun niom khan janaidishe .Tai khan ke system laga nutun functioning aro etu uporte kinika education laga standards khan uthabo schools khan te etu khan te kotha kurishe . Chairman, NBSE, Asano Sekhose para sob school leaders khan ke teachers aro community khan logote milikena kaam kuribi bacha khan laga progress toh aro bi bhal kuribole nimete .Principals aro teachers khan system khan thik thak kuribole karne kaam kuribole lageh.
Additional Secretary, NBSE, Rangumbuing Nsarangbe pora niom khan janaidikena examination aro school administration uporte bi kotha khan kurishe .Aro dusra kotha academics, accounts, fees and online forms submission te bi kotha khan kurishe .
Schools khan ke khobor dishe ki tai khan board laga textbooks aro syllabus khan follow kuribole lageh.Sob school khan te thik thak Science aro Mathematics Labratories khan thakibole lageh aro etu logote ekta Libary books khan logote thik thak thakibole lageh .
Aro etu uporte nutun heads khan ke khobor di ase ki sob student khan Class I para XII tak pudi thaka khan ke ekta Pupil Cumulative Record (PCR) book thakibole lageh .Aro dusra toh ekta Class IX & X laga student khan ekta CCE report card thakibole lageh .PCR aro CCE report card nathakile toh ekta school bi admission dibole nalageh students khan ke .
Add Comment