Monday deh BJP president Amit Shah para kowah toh, Bihar deh opposition khan toh meli kena “lantern” laga zamana deh loijai ase aro BJP khan toh “LED bulb” laga zamana deh loijabole mon ase. Tai khan “jungle raj” kuribole mon ase aro ami khan toh “janta raj” kuribole mon ase. Tai khan toh loot kuribole mon ase aro ami khan toh law and order bonabole mon ase. Shah para etu kotha khan toh Madhuban deh election rally lowah time deh koishe.
Tai para aro kowah toh, “Bihar toh besi dukh paishe. Bihar toh Lalu aro Rabri laga “jungle raj” dekhishe. Nitish Kumar aro Sushil Modi ahha bechide development toh suru hoise. Narendra Modi Prime Minister howah bechide local train toh high-speed express train deh putli koridese. Etu toh “double engine” government nemide ase.
Congress khan state deh besi sal rule kori thaga bechide Janata Dal (United) logode hara thakishe. Mr Yadav aro tai laga maike Rabri Devi para 15 sal olob naponji kena rule korishe. Etu bechide 2005 sal Nitish Kumar logode harishe. Nitish Kumar’s JDU aro RJD toh eki logode assembly polls deh khara kori kena jetishe. Etu bechide Nitish Kumar toh BJP logode join hoishe aro etu toh state deh nejor laga government bonabole ase.
Bihar deh Oppositions khan meli kena grand alliance bona khan majode Rashtriya Janta Dal (RJD), Congress, Rashtriya Lok Samta Party (RLSP), Hindustani Awam Morcha (HAM), Lok Jantrantrik Dal (LJD) aro Vikas Sheel Insaan Party (VIP) be meli kena ase.
Aji ( May 6, 2019) state deh five parliamentary constituencies khan vote kuribole khan toh Hajipur, Saran, Muzaffarpur, Sitamarhi aro Madhubani ase. Bachi thaga 16 seats toh May 12 aro May 19 phase poll time deh lobo. Bihar deh 40 Lok Sabha seats ase. Vote toh May 23 direk deh poribole ase.
Add Comment