Quetta, 12 May: Pakistan officials koishe, Saturday deh tinta bondukh thura manu toh military officers laga kapura lagai kena five-star Pearl Continental Hotel deh raid korishe. Bondukh para hamla howah nemide tinta hotel security guards, ekta employee aro ekta navy sepai moraideshe.
Sunday din military koishe, 24 hours agae deh luxury hotel jaga deh kusha tin-ta separatist insurgents toh last de moraideshe.
Military koishe, “Security forces ahha time deh insurgents para hotel laga top floor toh kaabja korikena thakishe. Force para hamla hobole nesana time deh sob guests toh jaga para hataideya thakishe. Security forces para operation toh pura kothom korideshe. Hamla kora sob tinta be morishe”.
Etu hamla toh Balochistan Liberation Army insurgent group para kora ase aro tai khan para etu hamla toh Chinese aro tusara foreign investors logode hamla kuribole laga aim para kora ase koishe.
Add Comment