NSCN-K (Khango) para ceasefire kothom kuribole bhoi khelaise

Dimapur, July 3: NSCN (K) led Khango para ceasefire agreement toh kothom kuribole bhoi khelaise. Judi India laga government para demand kora 5 issues deh fail hoise koile ceasefire agreement deh namanibo koise. Etu demand toh ceasefire agreement nahowah agae deh hoijabo lagi koise.

NSCN (K) para GoI logode points raised kora toh, political prisoners olaidibole, NSCN-K ke terrorist tag kora hataidebole, leaders ke bounty kora hataidebole aro AFSPA aro Disturbed Area laga revocation ase.

MIP NSCN-K Khango koise, Etu sal December para juti demand kora toh howah nai koile ami khan ceasefire deh namana thakibo pari aro judi enaga hoise koile kon para be ami khan laa group ke bothnaam nakoribo lagi.

Centre ke be yaat koraideya toh, commitment kora bechide ek sal toh hoi ase hoilebi etu putli howah toh dekhanai.

NSCN (K) hesab deh, konbah issue political prisoners olaidibole aro NSCN-K ke terrorist tag kora toh hataidebole ektum laga laga ase. Kelay koile etu para preview of Unlawful Activities Prevention Act (UAPA) under deh jail deh thaga khan ke toh olaidibole ase.

Centre para two NSCN-Ks categorically, Aung Yung aro Khango led group majode differentiate kuribo lagi aro Khango led group toh ceasefire category under deh thaga deh sabo lagi aro demand kora deh sabo lagi. Centre para etu issues deh manise koile NSCN K Khango/Isak led group ekala nemide valid hobo.

Haat deh option thaga deh centre para conditions deh sabo lagi aro NSCN K group para bhabona kora progressive development deh sabo lagi.

NSCN (K) para be Assam rifles khan ke hosiyar janaishe eku karan nathaka kena group ke dekthari nadibole. Kelay koile etu nemide gondogol toh otha thakijabo pari koikena.

“Ami khan toh eki K group laga ase ekta ekta logode hunt kori thaka. Etu time para tinta jarta occations deh apuni para ceasefire ground rules deh violate korise. Ceasefire agreement laga signing toh AR ke deya nai ami khan laga cadres ke arrest kuribole nohoile jail deh thakibole. AR laga mannerisms toh agae jai thakibo nalaki”.

NSCN (K) para be tusara goups khan ke hosiyar janaideya toh, “officials aro financial affairs deh interfere nakoribole ami khan para apuni laga internal affairs ke interfere nakora tak.  Tusara NNPGs khan be hosiyar janaishe step lowah para dekthari olabole laga kaam nakoribole.

Hosiyar janaideya toh, NSCN K group ke kebah kebi hatsa hoise koile dhanda para sai nathakibo aro patla toh lobo aro etu toh NSCN K opor deh nahobo.