New Delhi, 04 July: Ahibole hapta notun Congress President junibole laga fesla kuribo nemide Congress Working Committee (CWC) meeting lobo pari. Etu toh Rahul Gandhi para post nemide party ke resignation deya nemide ase.
Party sources koise, Congress leaders toh phal leader Gandhi laga jaga lobo nemide besari ase. Etiya tak eku fesla toh howah nai.
CWN laga next meeting deh six senior party leaders para eki logode fesla kuribole ase notun party chief nemide.
CWC member koise, “Notun president junibole laga selection process toh joldi suru kuribole ase. Congress toh President nathaki kena besi samai tak nemide thakibole naparibo”.
Congress para be sabha sabhi janise CWC para resignation namana tak Gandhi toh tai laga duties kori thakibole.
Congress toh leadership nemide ektum dekthari pai ase. Etu toh May 25 direk CWC laga meeting lowah time deh Gandhi para post para resign hobole resla kora bechide ase.
Etu time para besi leaders khan para Gandhi ke fesla toh withdraw kuribole samjaise hoilebi tai withdraw kuribole eki par namanai.
Wednesday deh Gandhi koise, party para notun chief junibole laga fesla toh deri nakori kena joldi kuribole kowah thakishe.
Add Comment