Guwahati, 04 July: Thursday deh National Health Mission koise, “July 3 direk tak Assam deh Japanese Encephalitis para forty-five manu morise”.
Besi phal upper Assam districts deh Jorhat, Golaghat, Dibrugarh, Lakhimpur melikena aro Assam alga lower district Kamrup deh mosquito-borne disease para effect hoise.
National Health Mission (NHM) koise, “Assam toh transmission season para jai ase Japanese Encephalitis cases nemide. July 3, 2019 tak total 45 manu Japanese Encephalitis para morise”.
State laga situation deh toh mon dekana sai ase aro situation deh control kuribo nemide sob preventive measures toh loi ase. Japanese Encephalitis nemide diagnostic services toh Elisa kits logode sob district hospitals aro government medical college hospitals deh ase. Japanese Encephalitis cases thaga area deh awareness programmes aro operations toh suru korise.
NHM koise, JE fever suspect thaga patients khan ke free transportation toh ‘Mrintunjoy 108 Ambulances’ para deshe. Assam government para be medical colleges aro district hospitals deh treatment kora aro dawai paani laga daam toh state para debole koise aro Japanese Encephalitis patients nemide be bed toh reserve korise koise.
Wednesday deh Health and Family Welfare Commissioner and Secretary Anurag Goel toh sob deputy commissioners aro Autonomous Councils laga principal secretary khan ke video conference para meeting loise. Etu toh state deh Japanese Encephalitis situation thaga ke saijabo nemide loise.
Tai be National Vector Borne Control Programme laga official, NHM Assam Mission Director J V N Subramanyam, Director of Health Services Assam Dr R Bhuyan, aro tusara health department officials khan ke kotha kowah thakishe.
Monday deh four-member central team deh lead kora Additional Secretary Sanjeev Kumar koise, July aro August deh bemari namabo nemide etu toh ekta challenge hobole ase.
Add Comment