Agencies: All Nagaland State Services Employees’ Association (CANSEEA) laga Confederation para Dr. Zasekuolie Chusi, IAS laga felicitation programme organize kurishe. Etu programme toh Hotel Japfu, Kohima te 4th July 5, 2019 te loishe. Aro etu toh tai para Indian Administrative Service te ekdam bhal naam kama laga recognizition nimite ase. Dr. Chusi toh CANSSEA aro dusra service associations ke khusi paa janaishe aro tai ke shaat diya, encouraghe kura aro morom kura sob manu khan ke dhanyabad dishe.
Tai para aro CANSSEA aro dusra service association khan ke requerst kurishe ke, tai khan toh tai khan laga dimag aro bhabona sob toh tai khan laga mang aro adhikar pabole lagabole koishe. Ami khan toh tai khan laga bhabona aro attitude toh bodoli kuribole lage. Aro tai khan sob toh tai khan laga zimadari nijor opor te bhukibole lage aro tai khan toh public aro government khan opor te tai khan laga adhikar toh thik para cholabole lage.
Transport Commissioner, Elias T. Lotha toh tai laga felicitation te koishe tai toh bishi samaan paishe aro state te thaka HODs khan laga side para bishi humble hoishe.
Tai koishe CANSSEA khan laga etihas te etu toh sob para bhal samay ase. Tai koishe government toh bishi bhal samay ase bishi bhal niyai kuri dekhaishe. Etu toh state te thaka non-civil services department ke diya nimite koishe.
Khata speeches toh NSSA aro NF & ASA laga representative khan para dishe. Aro tai khan para teenta awardees ke tai khan laga achievement nimite tai khan ke congratulate kurishe.
Milan Rajbanshi ke felicitation certificate para award kurishe. Mr Milan Rajbanshi toh All India Government Drivers Federation (AIGDF) Central Committee, New Delhi laga President ase. Taim toh sob para poila desh laga level te etu sob para eszat post dhura Nagaland Government Driver hoishe.
Add Comment