Birbhum: Sources koishe ke duita local TMC leaders para choi saal bacha ke marishe. Etu ghatna toh West Bengal laga Benachity te hoishe. Ghatan pichete locals khan protest kurishe aro samasiya toh control kuribole nimite police khan para lathi charge kurishe.
TMC leader Sheikh Jahangir aro Notu para choi saal chokora ke marishe. Ghatna toh Benachity Prantika bus stand osor te hoishe. Khobor hesab te chokora para TMC leaders khan nimite osor laga dukan para marijuana anibole mana kura nimite marishe.
Bacha para etu ghatna khilaf te tai laga ama-baba ke complain kura pichete , parents aro dusra locals melai kena police station te jaishe. Hoile bhi police para duita TMC leaders khilaf te complaint file kuribole mana kurishe.
Niyai mangi kena protest kura manu khan toh police station bahar te protest kuribole suru kurishe. Saturday fusur te police khan para lathi charge kuribole suru kora nimite jhamela suru hoishe. Aro protest kura manu khan toh wapas police khan opor te pathor para hamla kurishe.
Add Comment