Mumbai: Shiv Sena koishe ke Kashmir toh Muslims khan ke tofaa (gift) hesab te nadibo. Constitution para Article 370 hatabole opor te tai khan laga stand toh etiya bhi majbut ase koishe.
Shiv Sena tai khan laga editorial mouthpiece Saamna te koishe ke Kashmir laga valley te Muslims laga population toh 68.35 percent ase aro Hindus toh state te 28.45 percent ase. Aro etu toh state laga pura tagot ase.Hoile bhi etu laga matlab toh Kashmir toh Muslims ke tofaa (gift) hesab te dibole naparibo. Tai khan bhi Indians ase aro desh laga kanoon toh tai khan opor te bhi aki hee hubole lage. Aro etu nimite Article 370 toh constitution para hatai dibole lage.
Jammu aro Kashmir te Article 370 toh sovereignty ke suraksha dibole aro khaas (special) adhikar dee ase aro tai khan laga governance nimite kanoon alak banabole shakti dee.
Party para Union Home Minister Amit Shah ke bhi khushi paa janaishe. Union Home Minister Amit Shah troh Jammu and Kashmir te constitutions toh delimitation kuribole laga zimadari loishe.
June 4 te Shah toh Jammu and Kashmir Governor Satyapal Malik, intelligence Bureau Director Rajiv Jain aro Ministry of Home Affairs logote high level meeting buheshe. Tai khan toh constituencies toh delimit kuribole laga lamba samay para pending hoi kena thaka issue opor te kotha kurishe.
Add Comment