Peren

Jalukie Town, Peren Te Scientific Pig Slaughter House shuru kurishe

August 5, 2019
131 Views

PEREN, ,JULY 22,2019: Jalukie town 20th July, 2019 te scientific  pig slaughter house laga  shuru huwa ceremony loishe .Etu toh  Advisor RD, Dr. Neikiesalie Nicky Kire  special guest hoikena shuru kurishe  .Etu programme toh Principal Secretary  RD, Bendangkokba, IAS para loishe .

Advisor RD, Dr. Neikiesalie Nicky Kire para koishe etu locality laga manu khan khushi pabole lageh enika nishena  scientific pig slaughter house thaka toh   aro tai para  SHGs Peren district khan ke khushi janaishe tai khan mon dikena bhal para kaam kura nimete .

Tai para aro koishe  hygienic pig slaughtering house laga toh aro etu slaughter pigs khan toh  bhal para sabole lageh beemari khan ase na  nai .

Aro etu uporte tai para  the Principal Secretary NEC Government of India cum Chairman, NERLP, Ram Muivah, IAS aro  District Project Co-ordinator, NERLP, M. Ringsanbo Zeliang ke khushi janaishe  tai khan kaam kura nimete NERLP, Peren District laga bhal nimete  . Dr. Nicky para community khan ke milikena kaam kuribi koishe  kile koile etu para aro bi uthibo  future te aro ami khan Nagaland ke aro bi bhal huwa dikhibo .Jalukie toh  Nagaland laga rice bowl ase .

Tai para aro bi sob district laga SHGS khan ke gauri palibole koishe  etu para tai khan Nagaland laga sob  districts khan te dibole paribo dusra jaka te naphuta akhe te  .Tai aro koishe mota khan nijor para farm khan khulibole pareh  aro etu toh local markets khan te dibole paribo etu para ami khan logote healthy jaanwar thakibo khabole nimete  dusra jaka khan para ana nishena nohoikena .

Khotom huwa time te tai para manu khan ke bhal para kaam kuribi koishe aro SHG khan ke koishe  etu SHGs khan laga importance khan toh dusra najana bosti khan te bi janaidibi koikena janaishe .

Principal Secretary NEC Government of India cum Chairman, NERLP, Ram Muivah (IAS) aro  Chief Operating Officer NERLP, Dr. Paul para short speech dishe .

Etu inaguration ceremony te Advisor and Principal Secretary for RD, DC Peren, SP Peren, Civil administrations, Army Officers, State Co-ordinator Sikkim & Mizoram, Principal Secretary NEC, Govt. of India cum Chairman, Chief Operating Officer NERLP, Civil societies, Students’ Organizations aro  dusra  dignitaries khan ahise .