Kohima, 26 July: July 26 direk NHAK deh World Hepatitis Day 2019 manaise. Etu din deh Minister of Health & Family Welfare, S. Pangnyu Phom para event grace korise. Minister S. Pangnyu Phom koise, etu Viral Hepatitis toh India deh major public health problem nemide recognise korise aro bemari namai debo nemide India’s initiative toh suru korise.
Tai koise, National Health Mission (NHM) pethor deh testing aro management toh sob jaga deh ponjibo nemide pura puri kosish kuribo. Ami khan laga state para Reproductive and Child Health and Communicable Diseases toh phal para demonstrate korise aro etu laga result toh phal para olaise. Etiya ami khan viral Hepatitis deh saijabo lagibo.
National Health Mission pethor deh National Viral Hepatitis Control Program toh Government of India laga ekta notun initiatives ase. First deh etu toh Viral Hepatitis C deh treatment debole laga ase.
Pangnyu para Hepatitis B nemide lifelong treatment toh etu programme pethor deh joldi debole ase koise. Health care workers toh Hepatitis B infection lobole nemide risk othi ase koise. Etu para risk group deh Hepatitis B vaccine administer kuribo koise.
Viral Hepatitis laga issue deh saijabole toh alag alag line department logode mela meli hoile hobo aro etu World Hepatitis Day 2019 deh ekta hoi kena Viral Hepatitis namai debo nemide melikena kaam korijabole koise.
Tai para be judi manu khan Hepatitis B or C thurishe koile health provider logode kotha kuribo lagi koise. Kelay koile bemari laga risk ke joldi jani kena namai debo nemide. Tai viral Hepatitis para mora toh namibo nemide aro viral Hepatitis kothom kuribole nemide agae sai ase koise.
Tai para be medical fraternity khan ke program toh thek para lobole koise aro ek jun ke be laab napai kena nacharibole nemide koise. Tai para be state laga sob citizens khan ke sob programme deh kamiyaab hobo nemide shaat debole koise.
Add Comment