Lucknow, 27 July: Saturday din officials koise, July 29 direk Anandiben Patel toh Uttar Pradesh laga Governor nemide wada kuribole ase.
Official statement hisaab deh, Patel toh July 29 direk 9;30 am deh Chaudhary Charan Singh International Airport, Lucknow jaga deh ponjibole ase. Tai Raj Bhawan deh 12:30 pm deh Uttar Pradesh laga Governor nemide wada kuribole ase.
July 20 direk President Ram Nath Kovind para Patel ke junise. Patel toh Madhya Pradesh laga Governor nemide kaam kori thakise. Tai outgoing Governor Ram Naik laga jaga deh putli hobole ase.
Bihar Governor Lalji Tandon toh Madhya Pradesh transfer hoise. Tai Patel laga jaga deh putli hobole ase.
President para be former Union Ministers Jagdeep Dhankhar aro Ramesh Bais ke West Bengal aro Tripura laga Governors nemide janishe.
Dhankhar toh Kesari Nath Tripathi laga jaga deh West Bengal laga Governor nemide putli howah thakise.
Uttar Pradesh para Senior BJP leader, Fagu Chauhan toh Bihar laga Governor nemide wada kora thakise. Aro former Intelligence Bureau officer aro interlocutor for the Naga peace talks RN Ravi toh Nagaland laga Governor nemide juna thakise.
Add Comment