St. John’s: Cricket West Indies (CWI) para Saturday din te ahibole thaka test series India laga khilaaf khilibole nimete 13 member squad laga naam olaishe .
Etu CWI laga interim selection panel Robert Haynes logote Antiguan uncapped off-spinner Rahkeem Cornwall ke squad te halishe .
Haynes koishe “Rahkeem toh bishi bhal para kheli ase bishi time para aro tai ekta match winner ase etu nimete ami khan biswaas ase tai ke etu test squad te lageh.”
Etu squad te duita uncapped players – Cornwall and Shamarh Brooks bi ase .Etu test side toh pacer Jason Holder para lead kuribo.
Cornwall para tai laga long-awaited Test debut kuribole ase etu bi West Indies khan tai khan laga ICC World Test Championship campaign shuru kuribole ase etu moina olop pichede India laga khilaaf.
Cornwall ke etu diya toh tai Leeward Islands Hurricanes West Indies Championship aro West Indies “A” team te bhal khela nimete .Aro tai paanch sal akhe te first-class debut kurishe .
Etu 26 sal para 55 first-class matches te average 23.90 te 260 wickets loishe aro tai toh Caribbean side laga sobse bhal spin bowler ase .
West Indies squad India laga test series nimete : Jason Holder (c), Kraigg Brathwaite, Darren Bravo, Shamarh Brooks, John Campbell, Roston Chase, Rahkeem Cornwall, Shane Dowrich, Shannon Gabriel, Shimron Hetmyer, Shai Hope, Keemo Paul, Kemar Roach.
Windies khan India logote khelibo duita test match te .Akhe wala test match toh Sir Vivian Richards Cricket Ground Antigua August 22 para 26 tak thakibo.
Add Comment