Cincinnati: Roger Federer aro Novak Djokovic duijun pora Tuesday te WTA-ATP Cincinnati Masters te opponents bar kurise, aro Serena Williams komor biya hoi kena wapas jaise. Williams komor biya hoi kena Sunday din Toronto te WTA laga final pora olai jaise, tade tai retire nahowa ake te jarta games hi khilise.
Hoile bhi 23-time Grand Slam champion pora koise tai laga komor toh etya tak dhik nai, 26 August Flushing Meadows te US Open karne moka bishari kena koise.
Djokovic aro Federer karne, action te wapas ahiya toh Wimbledon final te Swiss ke Serb laga kamiyab biche te taijun laga US Open te pohila smooth suruwat dhakise.
“Moi ektam khushi paia ase, bani kiriya pora olap teri hoi kena olap dictary dhakilebhi,” Federer proa koise. “Moi court te wapas ahibole toh ektam khushi pai ase.
“Etu toh ektam lampa jabole laga suruwat ase. Chiti kena suru kuribole toh ektam khushi pai ase.
“Moi laga opponent ke eman bhi jani dhskiya nai – tai toh etu tour te nuton ase – hoile bhi khotam somoy te toh nijor laga game te hi mon dibole olai .”
Defending champion Djokovic double pora American Sam Querrey ke 7-5, 6-1 pora harai dise.
“Suru te biya dhakile bhi khotam toh phal pora hi kurise,” Djokovic pora koise.
“Sam suru te olap aram pora khili dhakise. Tai laga serve to-h ektam tan dhakise,” Djokovic pora koise, aro koise ki tai next round te phal wala perform kuribole omit kuri ase.
Add Comment