Berlin: Uli Hoeness para koishe ki tai Bundesliga giants Bayern Munich laga president para olaijai ase aro tai November laga re election te nauthibo.
Etub 67 sal para German daily Bild ke Sunday din te luwa golf tournament te koishe ki tai Bayern laga board te thakibo “Hoilebii tai president para olaijabo time puncha time te .”
Etu matlab Bayern members khan ekta nutun head defending Bundesliga champions November laga annual general meeting te chunibo etu uporte Hoeness toh club board para olaijabole ase .
Hoeness 40 sal charge luwa pichede para tai laga post post para olaijabo aro former Adidas boss Herbert Hainer, tai laga deputy toh tai laga successor hobole nishena ase .
1979 te Hoeness charge luwa pichede Bayern bishi successful thakishe Bundesliga trophy 24 times, German Cup 14 occasions aro Champions League trophy 2001 aro 2013 te uthaishe.
West Germany international theng te jhokom paikena retire huwa pichede .Hoeness toh 1979 te general manager thakishe aro tai ke promote kurikena 2009 te club president nimete chunishe.
Bayern tai khan nutun campaign toh Friday din te shuru kurishe etu bi Hertha Berlin logote 2-2 para draw kurikena .
Hoilebi reinforcement khan sign kurishe etu bi Brazilian midfielder Philippe Coutinho, Barcelona, aro forward Ivan Perisic, Inter Milan para loan deal te ahikena .
Hoeness player hoikena Bayern te 1970 te player nishena shaamil kurishe etu pichede nou sal hoikena retire hoishe club ke manage kuribole nimete .
Add Comment