Guwahati, 19 August: Managing Director S K Barua koise, Rs 22,594 crore mega expansion project laga part hisaab deh, North East India’s largest refiner, Numaligarh Refinery Ltd (NRL) para next jar-sal deh 62 percent para be besi post olabole ase.
PTI ke interview deya time deh Barua koise, 550 jun ke sitha kaam deya ke chari kena notun units bona time deh 12,000 opor indirect jobs olabole ase.
Tai koise, “Refinery post commissioning pura operate koribo nemide 550 opor manu khan lagibole ase”. Aji kali NRL deh management aro non-management staff be melikena total 874 ase.
Barua koishe, 550 manu lagi thaga majode 150 jun toh execution stage deh joldi lagiya thakibo.
Tai koise, alak alak institutes para 68 freshers ke hired kora be korishe. Tai khan laga probation period kothom howah bechide tai khan ke company payroll deh thalidebole ase.
Tai koise, permanent staff para be indirect employment nemide besi opai ase. Construction stage deh be 12,000 opor contract workers lagibole ase.
Barua koise, contract employees toh contractors, sub-contractors, vendors, suppliers, transporters, hoteliers aro vehicle hiring agencies nemide hired kuribole ase.
Project opor deh Barua koise, Pre-project activities toh phal para jai ase. Construction kaam toh sob deh clearance howah bechide etu sal November para suru hobole biswaas kori ase.
Add Comment