New Delhi, 21 August: Senior Congress leader aro former Finance Minister P. Chidambaram toh harai kena thakise. Tai Wednesday din Congress office deh press conference deh kotha kuribole ahhaise. Tai hara toh Delhi Hight Court para INX Media case deh arrest nakoribole nemide protection nidiya bechide ase. Tuesday rati CBI para tai laga gate deh notice paste kora thakise. Notice deh kowah toh, tui khonda majode investigation officer agae deh ahhaibo laki.
Etu agae Tuesday din Central Bureau of Investigation (CBI) aro Enforcement Directorate (ED) officials laga team toh tak laga Jor Bagh residence deh ahha thakise. Hoilebe tai khor deh nathaga nemide lok kuribole paranai.
CBI team toh 6.30 pm phali Chidambaram’s residence deh ponja thakise aro 10 minutes bechide chara thaksie. Etu bechide ED team khan 7.30 pm phali senior Congress leader’s residence deh ahha thakise.
Tuita team be khor deh Chindambaram nathaga jana bechide koraija thakise. Etu bechide CBI team khan tai laga khor deh ahhai kena gate deh notice pasted kora thakise. Notice deh Chidambaram toh R. Parthasarthy, CBI Deputy SP ahhaibole janaise kelay koile CrPC laga Section 161 pethor deh case register hoi kena thaga opor deh kotha-hoti kuribo nemide. Former Union Minister P. Chidambaram toh desh para chari kena jabole naparibo kelay koile sob airports, immigration desks deh gara hosiyar janai dekena thaga nemide.
Add Comment