Indian Men’s Hockey Team Pora New Zealand Ke Hrai Dise

Tokyo: Wednesday te Indian men’s hockey team khan pora New Zealand ke 5-0 pora harai di kena  Olympic Test event.

Oi Hockey Stadium te Captain Harmanpreet Singh (7th minute) pora ball roll kuri kena suru kuriya biche te Shamsher Singh (18th minute), Nilakanta Sharma (22nd minute), Gursahibjit Singh (26th minute) aro Mandeep Singh (27th minute) India karne khushaise.

Round robin league-stage te India khan 1-2 pora New Zealand logot harai kena dhakise. “Moi khan ektam phal pora  khilise. Game suru te moi khan pora moi khan laga moka te score kkuribole parise,” Harmanpreet pora chitiya biche te koise.

“Moi laga phapna te final hotai dan dhake, moi khan New Zealand logot olap ake te harise. Hoile bhi etu biche te  moi khan hikip dhakise aro moi khan laga galty edhuri kena phal pora khiliya pora aji chiti ase,” tai pora etu bhi koise.

Jarmanpreet Singh pora penalty corner bachai dise aro India aro New Zealand bina goal quarter dhakise hoile bhi former pora 5-0 pora lead kurise.

Jowa bar quarter te, India khan pora ektam mon tangor pora lead te dhakibole karne faisla kurise aro New Zealand  ke bura match te moka diya nai.