Madrid: Neymar toh Paris Saint-Germain pora olai jabole echa toh nahobo kin toh amid pora Thursday te khobor dise ki French club khan pora Real Madrid laga 100 million euros ($111 million) aro players offer kuriya ke mana kuri dise.
French sports daily L’Equipe koise Real khan pora cash aro Gareth Bale, James Rodriguez aro goalkeeper Keylor Navas khan offer kurise, hoile bhi PSG pora mana kurise kintoh “bura Offer laga value toh tai khan pora phabna kuriya bonji dhkiya nai”.
Dui sal ake te Paris khan pora Barcelona te pora Neymar ke sign kuribole karne 222 million euros dise aro tai khan laga sporting director Leonardo bhi eki value te hi etu forward ke deal sing kuribole dyar ase koi kena jani ase.
Real khan Bale ke olai dibole karne bura summer bhelaise, aro James toh Bayern Munich te loan pora jai dhakiya wapas ahiya biche te nalagiya hoi kaise aro Navas toh etya club laga first-choice goalkeeper nahowa hoi jaise.
Ekta phale, Barcelona khan Neymar ke Camp Nou te wapas anibole omit tangor te rukhi ase, hoile bhi Catalan daily Sport pora koise ki player ke loan pora sing kuria sat te season khotam te 160 million euros pora kinibole kosish kuriya toh Paris te mana kuri dise.
Sport koise Barcelona lagiya toh “etu toh ektam sabha ase ki PSG khan pora Brazilian ke tai laga Camp Nou te wapas nabodhabole karne kinika hoile bhi kosish kuri ase”.
PSG khan khobor hesab te olap ake te Barcelona laga 40 million euros aro Philippe Coutinho aro Ivan Rakitic offer ke manu kurise koi kena. Coutinho toh etu smoy pora hi Bayern te loan pora join kurise.
Juventus bhi 27 umar ke sign kuribole interest ase koise.
Transfer window France, Spain aro Italy te September 2 te bon kuri ase, matlab toh deal kuribole laga somoy toh ektam joldi jai ase.
Add Comment