Agencies, 23 August: union health ministry para India deh electronic cigarettes bondh kuribole aro etu import nakoribole nemide plan korise. Desh deh Northeast be e-cigarettes toh popular hoi ase.
Sobse notun Global Adult Tobacco Survey hisaab deh, konbah NE states deh electronic cigarettes aro e-cigarettes jola toh asti para othi ase.
Etu plan kora toh desh laga manu khan health para dekthari napabo nemide ase.
Reuters report hisaab deh, health ministry para notice deya toh, -cigarettes aro similar technologies para tobacco use deh othaidae nahoile public health deh ektum dekthari kori dae. Etu para jola manu aro najola manu ke be health deh dekthari kori dae.
Health ministry para be plan kora toh, e-cigarettes bondh kora ke kelaaf korikena etu kanun deh kon namani tai khan ke saja babo. First time galdi kora khan ke ek-sal jai aro Rs one lakh fine lobo pari. Aro kon par-par galdi kori etu khan ke tin sal jail aro Rs five lakh fine lobo pari.
Health ministry para notice deh lekha toh, e-cigarettes toh tobacco products nemide gateway aase aro bacha khan nicotine jola para addiction hoija thaki.
India deh 100 million opor adult smokers ase aro hotai sal desh deh tobacco saman khan para besi manu mori.
Health ministry para Indi deh etu plan kora toh general issued ase. Etu toh parliament laga next session deh kotha kora bechide mana thakibo pari.
India deh electronic cigarettes bondh kobole aro import nakoribole manise koile e-cigarette manufacturing giants- Juul Labs aro Philip Morris International nesana khan besi lost howah thakibo pari. Kelay koile tai khan India deh e-cigarettes suru kuribole plan thaga nemide.
Add Comment