KOHIMA ,AUGUST 26,2019: Nagaland Civil Secretariat Kohima 26th August 2019 te CSC eGovernance Service India Limited khan logote milaikena Ministry of Statistics bithor te 7th Economic census, 2019 shuru kurishe .Etu toh Principal Secretary, IT & C and Power, K.D Vizo para shuru kurishe.
Vizo para tai laga address te koishe ki etu economic census 2019 toh Indian economy laga census ase desh laga pura entrepreneurial units khan ginti kurikena kun khan economic activity te kaam khan kuri ase .Sob household establishments khan non-agricultural economic activities te kaam kuri ase etu te construction, public administration charikena , defence aro compulsory social security khan etu 7th economic census te thakibo.
Tai koishe ki common service centre (CSC) khan Ministry of Statistics and programme implementation (MoSPI) logote milaikena 7th Economic census kuribole nimete data collection aro activites khan jamaa kuribole nimete responsibility dikena ase .Tai koishe MoSPI khan IT based mobile application chulabole ase data collection verification aro supervision aro CSC ekta active partner hoikena etu nimete .
Vizo koishe ami khan knowledge economy laga era te thaki ase aro bhal data khan thaka toh important ase.Tai koishe state ke aro bi takot bonaidibole nimete quality data uporte ase aro etu pichede sob transaction khan toh online hoijabo accurate transaction nimete .Etu nimete tai koishe IT & C and Economics and Statistics Department khan thik data khan thakibole kotha kurishe etu para state laga correct economic status toh reflect kuribo.
Vizo aro koishe etu data khan jaamaa kura toh bishi bhal hobo society khan laga sob section khan nimete future te aro etu nimete tai para general citizens khan ke modot kuribole koishe etu 7th economic census luwa time te.
Etu nishena programme te dusra saata district Phek, Wokha, Zunheboto, Kiphire, Longleng, Mon aro Tuensang Deputy Commissioners logote shuru kurishe .Bachikena thaka tinta district Dimapur, Mokokchung aro Peren nimete September 2019 laga akhe haafta phaneh lobole ase.
CSC khan para 1252 Enumerates aro 305 Supervisors (1557 manpower) lagaishe kun khan Enumerators aro Supervisors 7th Economic Census nimete training loishe etu para 2264 Enumeration areas (1481 rural aro 783 urban Enumeration areas) khan cover kuribo.
Etu programme toh Commissioner & Secretary Economics & Statistics, Kelei Zeliang para loishe.
Add Comment