Kiphire: Lt. Sepithong Sangtam Head GB Kiphire district ke samman kuriya laga nam pora Kiphire Area Students Union (KASU) khan pora organize kuriya 16th Football Mongmong Tournament toh Kiphire Local Ground te 23rd August 2019 te suru kurise aro Deputy Commissioner Kiphire, M. Shayung Phom special guest dhakise.
- Shayung Phom pora kowa toh etu tournament pora youths khan nimede te tai khan laga talent ke ujala kuridibole aro dekhabole nimede modot kuribo. Tai pora koise ki tournament laga nam toh ‘football mongmong tournament’ hoile bhi dimag te rakhibole koise ki tournament toh sob religion, race aro culture nimede ase koise. Etu football festival pora manu khan ke eksat adma te aro sportsmanship te anibole lage, etu festival toh football laga festival hobole dibi koise, tai pora koise.
Lt. Sepithong Sangtam laga nam pora khata speech diya te family aro members khan pora organizers khan logot Lt.Sepithong ke samman diya karne khushi janaise.
First match te Legends FC pora Yeye sports club ke 2-1 pora harai dise. 16th football Mongmong tournament te Bura milai kena 13 clubs participate kurise.
Olap ake te welcome address toh Throngdiba Sangtam, President KASU pora dise, special number toh Veto pora dise aro programme toh Adiba Sangtam pora chair kurise.
Add Comment