Kingston: Double world under-20 sprint champion Briana Williams toh diuretic hydrochlorothiazide (HCTZ) laga test te positive ola biche te next mohina laga World Championships te khilibole naparibo.
Jamaican daily The Gleaner pora koise ki 17 umar toh pohila doping test te kirise, tai Doha te dhakibole laga World Championships te jabole karne national team logot te June 20-23 laga bich te National Senior Championships laga 100 metres te third baa biche te.
Newspaper pora Tuesday te koise ki ‘B’ sample laga substance toh dhakise koi kena khobor kurise.
Williams laga representative Emir Crowne pora koise tai khan etya tak ‘B’ sample laga paka khobor baa nai aro Williams pora eko galti kuriya nai koi kena koise.
Tai laga team pora khobor hesab koise ki etu maiki pora letera dhanda aro flu tawai julaise.
“Moi khan laga pohila kam toh Ms Williams laga eko galty nai aro tai laga khilaaf te eko charge nalobole lage. Moi khan laga pohila kam toh etu hobo,” Crowne pora The Gleaner ke koise.
HCTZ laga list te nalowa tawai toh Williams’ team khan pora USA te test kuribole bothaise, aro etu tawai toh diuretic bon kuridiya laga list te ase koi kena koise, newspaper pora khobor dise.
Florida te jonom baa Williams toh Tampere te jowa sal laga World Under-20 Championships laga 100m aro 200m chitiya somoy te 16 umar dhakise aro etu biche te IAAF Female Rising Start laga nomination paise etu biche te Laureus Breakthrough of the Year laga Awards paise.
Jamaica Athletics Administrative Association (JAAA) khan pora Doha te September 6 te dhakibole laga game karne team laga nam olai dibole ase.
Jowa habta, American sprinter Christian Coleman pora tai laga khilaaf teen bar drug tests miss kurise kowa laga khilaaf larai kuribole wada kurise, aro koise tai logot hosa himat ase ki September te tai World Championships te khilibole laga kodha sabha hobo.
Add Comment