Paris: Barcelona te wapas transfer kuribole mon jaa toh napari kena Neymar Paris Saint-Germain te hi dhakibole ase, Sunday press khaobor hesab te.
“Se queda,” Spanish te tai dhakibole ase, koi kena L’Equipe headline laga ake page te Brazilian laga noksa logot olaise.
” Barcelona te tai wapas transfer kuribole napariya biche te, Neymar pora tai laga staff khan logot koise ki tai season khotam howa tak PSG te dhakibole faisla loise,” khobor pora koise.
Monday te Spanish sports newspaper Mundo Deportivo logot bhi enika eki khobor France aro Spain transfer market deadlines ake te ahise.
“Neymar laga staff pora janai dise: sob hoise,” Spanish sports newspaper Mundo Deportivo te enika likhi kena dhakise.
Neymar, 27, dui sal ake te Barcelona pora tai laga transfer somoy te PSG pora 222 million euros ($264 million) diya biche te duniya te sobse tam player dhakise.
French capital te duita season dhaki kena 58 bar khiliya te 51 goals diya Neymar etu season te tai laga club karne ekbar bhi khiliya nai.
Thursday te tai PSG logot training dhakise, hoile bhi coach Thomas Tuchel pora tai ke team pora olai dise aro etu biche te Friday Metz 2-0 Ligue 1 kamiyab dhakise.
Add Comment