Jinan Open: Top Seed Prajnesh Gunneswaran Quarter-finals te jaise

Jinan: Thursday te Top seed Prajnesh Gunneswaran pora Chinese Taipei’s Tung-Lin Wu ke harai di kena Jinan Open laga singles quarterfinal te jaise.

Prajnesh laga pas breakpoints bishi dhakise hoile bhi 8 pora duita ekla convert kuribole parise aro tai ekbar serve kerise.

Tai aro next te third-round contest te Chinese Di Wu ke 6-1 6-2 por kerai diya  Japanese eighth seed Go Soeda logot te khilibo.

Aro  doubles event te, top-half semifinal te teenta Indian khan khilibo.

Top seed Divij Sharan aro Matthew Ebden pora Pedja Krsten aro Akira Santillan ke 6-1 6-4 pora harai dise.

Tai khan etya  fourth-seeded Indian pair  Saketh Myneni aro Jeevan Nedunchezhiyan logot te khilibo.

Genoa, Italy te Aon Open Challenger  laga singe aro double duita laga first round te pora hi India laga  challenge khotam hoise.

Doubles te, Purav Raja aro tai laga Australian partner duijun 6-7 (2) 6-7(3) pora Fernando Romboli aro Attila Balazs ke harise.

France laga Cassis Open te, 12th seed Ramkumar Ramanathan pora tai laga singles second round 3-6 2-6 pora Germany’s Daniel Masur ke harise.

Hoile bhi tai laga Russian partner Evgeny Karlovskiy logot 6-4 6-1 pora fourth seed Croatian pair Ivan Sabanov aro Matej Sabanov duijun ke harai di kena doubles quarterfinal te bonjise.