Kohima : 06 Sep 2019: Air HQ , (Vayu Bhavan) te aji ceremony te Kargil pora Kohima (K2K) tak – Glory Run suru kurise. Air Chief Marshal BS Dhanoa, PVSM AVSM YSM VM ADC, Air Staff laga Chief khan chief guest karne ahise.
20th sal laga Kargil kamiyab ke yad kuri kena aro Indian Air Force – “Touch the Sky with Glory” laga tradition aro motto ke samman dibole karne, IAF khan pora Kargil War Memorial, Drass (J&K) pora Kohima War Cemetery, Kohima (Nagaland) tak koi kena Kargil pora Kohima tak, Ultra-Marathon- “Glory Run” loise. India laga east aro north te Kohima aro Kargil toh sobse ake te ase outposts ase India laga nuton zamana te sobse biya battle larai kuriya toh 1944 aro 1999 te khilise. K2K – Glory Run toh 21 Sep 19 pora suru kuribo aro 06 Nov 19 te khotam hobo. 25 Air Warriors khan laga team pora 4500 Km pora bishi lampa jaga bura 45 din te cover kuribo, din te hesab ekta te 100 Km bolabo. Etu dhakiya laga aim toh ‘Pedestrian Safety’ aro olap ake te Hon’ble Prime Minister Shri Narender Modi pora suru kuriya ‘Fit India Movement’ ke promote kuribole karne ase.
Selection laga trials biche te team ke chuni kena ase aro etya tai khan pohila phase training jai ase. Etu biche te aro be second phase training Leh te dhakibo. Etu team te officers aro airmen, ekta maiki officer Flight Lieutenant Rishab Jeet Kaur aro Warrant Officer Indra Pal Singh 51 umar bhi milai kena etu ultra-marathon bolabole ase. Etu trip toh Squadron Leader Suresh Razdan ,Su-30 aircraft pilot pora led kuribole ase. Etu team khan camping aro khor bahar te, snow te dukh pora bachi kena, bani kera aro alak alak climate Ladakh, HP, Punjab, Uttarakhand, Uttar Pradesh, Bihar, West-Bengal, Assam aro Nagaland koi kena bera bole ase.
Add Comment