New Delhi, 08 September: Sunday din sal 95 deh eminent jurist aro former Union minister Ram Jethmalani toh morise. Etu khobor toh tai laga khor manu khan para janaishe. Tai laga bacha Mahesh Jethmalani para PTI ke koise, “Jethmalani toh 7. 45 am tai laga official residence, New Delhi deh last sash loise.
Mahesh aro tusara khan koise, Ram Jethmalani toh jaija olob agae moina para gao thek thaga nai.
Tai laga bacha koise, tai toh September 14 direk 96th birthday naponja agae deh morishe.
Mahesh koise, tai laga baba nemide last rites toh saam deh Lodhi road crematorium jaga deh lobo.
Mahesh Jethmalani ke chari kena former Union minister toh tai laga maike bacha US deh thaga logode jinta (survived) thaki thakise. Tai laga tusara maike bacha (daughter) Rani Jethmalani toh 2011 deh mora thakise.
Jethmalani toh Atal Bihari Vajpayee-led NDA government time deh Union law minister aro Urban development minister thakise. Tai ke 2010 sal Supreme Court Bar Association president nemide kaam kora thakise.
Tai toh September 14, 1923 deh Shikarpur, Sindh province (Pakistan) jaga deh jonom powah laga ase aro tai sal 17 thaga time deh law degree kamiyaab howah thakise.
Add Comment