London: Heavyweights Tyson Fury aro Deontay Wilder duijun pora rematch kuribole laga kodha ke manise, promoter Bob Arum pora BT Sport ke koise, third fight karne deal sign bhi kurise.
Tyson Fury pora Sweden’s Otto Wallin ke harai di kena Deontay Wilder logot heavyweight rematch karne manise.
Taijun toh Los Angeles te Wilder laga WBC heavyweight title rakhibole laga match December te khiliya biche te 22 February rematch Las Vegas te log kuribo nishena ase.
February match te khiliya sob side 50 percent reward pabo, sports broadcaster laga hesab te, aro third laga winner 60 percent pabo aro hariya khan 40 percent pabo.
Fury, 31 Briton manu Otto Wallin logot Saturday te Las Vegas laga T-Mobile Arena te log kuribole laga manu, pora 2015 te IBF, WBA aro WBO belts karne Wladimir Klitschko ke hrai di kena fan khan ke khushi pai dise, hoiole bhi tai etu biche te tai dimag laga dukh, modu aro drugs khan jolai kena dukh pai ase tai laga career biya hoi kena.
Add Comment