Ronaldo pora TV karne Piers Morgan logot interview lowa somoy te koise ki tai bbcha somoy te Portugal laga Sporting Lisbon te dhakiya somoy te biscuit bhikari kuri dhakise. Tai laga suru Madeira te kuri kena bishi lampa dukh biche te etya star ase.
“Moi khan bhok dhakise. Moi khan dhakiya Stadium laga next te McDonald dhakise, moi khan pora darwaja te knock kuri kena biscuit bachi kena ase na nai koi kenahudi dhakise,” Ronaldo proa koise.
Interview somoy te, Ronaldo pora koise ki tai ‘Edna” aro alak duijun maiki ke bishari kena Lisbon nahoile Turin te tai logot te bhat kabole madibole mon jai ase.
“Hotai Edna aro duijun maiki dhakise. Moi tai khan ke ekbar bhi log kuriya nai.
“Moi pora Portugal te dhakiya manu khan sob ke hudi dhakise, tai khan pora McDonalds bon kurise, hoile bhi tu interview pora tai khan ke pabole modot kurise koile toh moi bishi khushi pabo.
“Moi tai khan ke Turin nahoile Lisbon te phat khabole madi bole mon jai kintoh moi tai khan ke kiba ekta wapas dibole mon jai ase.”
Aro kobal dhakibole karne, Morgan pora Twitter te jai kena tai khan joldi aro log kurile phal hobo koi kena janai dise.
Morgan pora Wednesday te tweet kurise: “UPDATE: Moi khan Edna paile kiman phal…”
Etu biche te Paula Leca koi kena ekta maiki pora Ronaldo ke biscuit diya maiki teen jun majo te tai bhi ase ekta ase koise.
“Tai khan restaurant ake te ahi kena biscuits mangi dhakise aro hamburgers bchi dhakiya toh moi khan laga manager laga permission pora tai khan ke di dhakise,” Leca pora Portuguese radio station Renascenca te koise.
“Ekta moda toh Cristiano Ronaldo dhakise tai khan majo te sobse bhui bandore.
“Enika hotai rati nahoile habta hoi dhakise.’
“Moi etu sob phabi kena hansi dhake. Moi laga bacha ke koi dhake hoile bhi tai misa ase koi kena phabna kure kintoh tai biswas kuribole pariya nai ki tai laga amma pora Cristiano Ronaldo ke biscuit di dhakise koi kena.
“Moi laga moda bhi jane, kinth tai hotai rati moi ke lobole ahi dhakise aro etu somoy te tai pora bhi dekhise.
“Bishi lampa sal biche te howa ke etya wapas jabole toh olap hanshibole laga kodha nishena bhi lage. Etu toh tai kiman phal ase moi khan pora dekhi ase. “Tai pora moi ke dinner karne madise koile, moi paka jabo. Pohila kodha kuribole laga toh moi thank you kobo aro dinner somoy te boila laga somoy yad kuribo.”
Add Comment