Paris: Indian shuttler Saina Nehwal Wednesday te etya chalu dhakiya French Open laga second round te khushise.
Nehwal pora Hong Kong’s Cheung Ngan Yi ke straight games te 23-21, 21-17 pora first round match te harai dise.
Pohila game te Ngan Yi pora lead kuri kena dhakise, hoile bhi Nehwal pora wapas derai dibole pari kena 23-21pora chitise.
Men’s doubles pair Satwiksairaj Rankireddy aro Chirag Shetty duijun bhi taijun laga match te Netherkands laga Jelle Maas aro Robin Tabelling duijun ke 21-16, 21-14 pora Wednesday te kerai dise.
Kidambi Srikanth first-round te Taiwan’s Chou Tien Chen logot 21-15, 7-21, 14-21 pora hari kena French Open te pora olai jaise.
55-minute lampa match te, Srikanth pora tai laga opponent ke first game te harai dise. Hoile bhi Chou pora wapas ahi kena Srikanth ke second aro third games te harai dise.
Olap ake te, Parupalli Kashyap first-round match te Hong Kong’s NG Ka Long Angus logot te 11-21, 9-21 pora hari kena olai jaise.
Sameer Verma bhi 22-20, 18-21, 18-21 pora tai laga first-round match te Japan’s Kenta Nishimoto logot te harise.
Tuesday te, PV Sindhu pora tai laga match te chiti kena second round te khushise.
Add Comment