WOKHA,OCTOBER 29,2019: Deputy Commissioner, Wokha, Orenthung Lotha para 29th October 2019 te Alternative Learning System (ALS) study centre toh shuru kurishe .
Commissioner & Secretary to the Government of Nagaland and President, LOA, Mhabemo Yanthan tai laga keynote address te koishe ki etu mission toh possible huwa toh Lotha Officer’s Association (LOA) aro Wokha team officials khan para modot kurikena huwa laga ase .Tai para confidence ase koishe etu centre toh bishi lamba jabo koikena students khan ke compete kuribole dibole nimete etu duniya te aro sob sections khan ke modot kuribole koishe etu centre ke akhe te luijabole nimete .
Students khan ke etu facility laga advantage lobi koikena tai para students khan ke kun khan tai khan laga maiden maiden coaching year shuru kuribole thaka committed sincere aro devoted thakibole koishe aro society ke ekta kiba wapas dibole kotha kurishe.
Deputy Commissioner, Wokha etu inaugural function Orchid Complex te luwa te koishe ki etu institute toh hosa hoijaishe LOA khan para modot kura nimete aro sob officers khan ke dhandyaabad koishe tai khan kaam kura nimete etu institute shuru kuribole nimete .Tai aro koishe etia etu centre toh ami khan laga saamne te bonaishe aro tai para students khan ke etu opportunity lobole koishe aro society/community khan ke modot kuribole koishe etu institute bhal kuribole nimete .Tai para centre laga first batch students khan ke etu laga concept aro feature uporte kotha kurishe.
Etu inaugural function toh Dr. Longshibemo Yanthan para loishe aro SDO (C), Wokha Chonpenthung Ezung para vote of thanks dishe.
Add Comment