Agencies, 06 November: Tuesday din Arunachal Pradesh home minister Bamang Felix toh alak alak organisations laga members ke lok kori kena Citizenship Amendment Bill (CAB) nemide olai olabole aro samjaidebole kowah thakise. CAB deh Felix toh consultative committee laga chairman ase.
Felix toh alak alak civil aro community based organisation (CBOs) laga members logode Dorjee Khandu State Convention Centre, Itanagar deh lok kora thakise.
Tuesday laga meeting toh hoile CAB, 2016 nemide jai thaga consultative committee meeting laga part ase.
Sob organisations laga members para CAB deh gara protest kuribole janaishe aro indigenous manu laga rights bachabo nemide wada kora thakise.
Felix para sob jawab deya deh saijai kena koise, stakeholders laga opinions toh bhari hobole ase aro fesla toh etu nesana loijabo.
COBs laga representatives toh Arunachal Indigenous Tribes Forum (AITF) laga umbrella pithor laga meeting deh ahiya thakise.
Organisation laga members khan ahiya khan toh Nefa Indigenous Human Rights Organisation, Arunachal Pradesh Women’s Welfare Society (APWWS) aro Abotani Clan nesana khan thakise.
APWWS koise, CAB para state laga future generations beya hobole ase.
Women’s body laga representation koise, CAB toh religion laga basis deh manu khan ke kelaaf ase.
APWWS koise, “Indian Constitution toh religion laga based deh manu khan ke kelaaf nai. Etu toh sitha Indian constitution deh violate kora laga ase.
Aro koise, “Indian Constitution para sob ke bachai. Etu deh refugees be melikena ase. Etu para certain religions deh follow kora manu khan ke support korikena notun kanoon toh suru nakoribo lakae”.
Society koise, India laga government toh local issues opor deh sensitive hobo lakae.
Arunachal deh local dynamics toh alak ase. CAB suru howah para gondogol toh thakibole ase. Kelay koile manu khan toh nejor laga identity bachabole howah nemide.
“Etu nesana gusha thaga toh Supreme Court laga fesla ke ase. Kelay koile Chakma aro Hajong refugees ke Indian citizenship debole fesla kora nemide. Supreme Court laga ke move para hoilebi goldogol ola he thakibole ase”.
APWWS koise, Bill suru kora para 100,000 Chakma, Tibetan aro Hajong refugees ke sitha Indian citizens pabole ase.
“Ami khan CAB para indigenous identity laga political future ke kathara howah dekhise. State deh tuita parliamentary constituencies toh khulise. Etu para ami khan laga bhoi ke ensaaf debo nemide besi karaan ase”.
Add Comment