Kohima, 08 December: Nagaland Motorcycle Club (NMC) para state Government logode Riders’ meet toh hotai sal loi. Etu toh Hornbill festival laga part ase. 6th December 2019 Phezou Resort, Tuophema deh Nagaland Motorcycle Club para Riders’ meet flagg off kora thakise aro etu toh Sunday din Naga Heritage Village, Kisama deh kothom hoise.
“The Tribe” laga President aro Founder, Zhazo Pienyii be riders deh hisha ase. Tai koise, Riders’ meet toh hotai sal loi aro etu toh Hornbill festival laga part ase. Etu meet lowah toh hoile caste, creed, region etc ke nasai kena duniya laga riders majjode universal brotherhood promote kuribole laga aim ase.
Etu opor deh etu meet lowah toh hoile pahar state deh event loikena tourism othabo nemide ase.
India deh Nagaland Motorcycle Club toh sobse purana club ase koise. Interest kotha toh hoile riders para annual meet time deh khali Royal Enfield jolai.
Etu meet deh sob melikena 120 riders hisha lowah toh Bhutan, Seven North eastern states aro India laga tusara part para ase.
Add Comment