New Delhi: Bollywood’s nightingale Lata Mangeshkar hospital te buikena 28 din huwa pichede Sunday din te olaishe.Etu veteran singer toh Pneumonia beemar olaishe aro Breach Candy Hospital Mumbai te treatment loi ase .
Mangeshkar laga health bhal hoikena puncha pichede twitter te jaikena etu khobor dishe “Aji mui ghor te wapas ahise Mai laga ashirwaat te aro Baba para mui bishi khushi ase .Apuni khan laga prathana para kaam hoishe aro mui apuni khan ke bishi khushi paishe.”
Doctors khan ke guardian angels matikena etu 90-year-old veteran singer para doctor khan ke khushi janaishe .”Mui laga doctors khan Breach Candy te guardian angels thakishe aro tai khan sob ke bishi khushi janaidi ase .
Tai para aro bi special thanks koishe doctors aro staff khan ke tai ke nursing kura nimete beemar thaka time te aro koishe “Doctor laga team khan ke dhandyaabad koishe kun mui ke treat kurishe bishi bhal para . Dr. Pratit Samdani, Dr. Ashwin Mehta, Dr. Zareer Udwadia, Dr Nishit Shah, Dr. Janardan Nimbolkar and Dr. Rajeev Sharma.”
Etu 90-year-old playback singer ke Breach Candy Hospital Mumbai te chest infection thaka nimete aro saas luwa dikdaar paa nimete etu pichede tai pneumonia beemar thakishe.
Mangeshkar kun tai laga career 1942 te shuru kurishe aro tai toh Bharat Ratna, Padma Vibhushan, Padma Bhushan aro Dadasaheb Phalke Awards paishe.
Tai ke janaa toh iconic songs ‘Aye mere vatan ke logon’ and ‘Babul Pyare’ nimete ase.Tai para 20 Indian languages te komti hoilebi 25,000 songs gaishe.
Add Comment