WOKHA, SEPTEMBER 13 : Wokha district laga Preparatory Assessment Team Measles Rubella (MR) vaccination campaign UNICEF laga consultant logote GOI, Daya Singh aro WHO SMO, Dr. Sheila Longkumer khan logote Deputy Commissioner, Wokha, Dr. Manazir Jeelani Samoon, IAS logote khata kotha kurishe 13th September 2018 te tai laga office te .Etu team pora DC ke MR vaccination laga policy uporte kotha koishe etu toh etu district te 3rd of October 2018 pora shuru hobole ase.Tai khan ekta bacha khan be nacharibo etu vaccination halibole ninete department khan sob kaam kuri ase detail figures aro target khan jaamaa kurikena etu nimete ekta team khan pora Bhandari, Sanis, Chukitong aro Wozhuro Block te beraishe .Etu laga kotha kuwa time te Deputy Commissioner pora team khan ke meeting lobi koi ase Asha aro Anganwadi workers khan logote .Thik thak data khan jaamaa kuribole nimete .DC pora aro koishe community awareness toh bishi important ase etu nimete sob stake holders NGOs churches schools aro public khan etu janibole lageh etu campaign shuru nohoa akhe te.UNICEF team ekla hi nohoikena etu meeting te Chief Medical Officer Wokha, Dr. Robin Mozhui, DPRO Wokha aro dusra medical officers khan ahise.
Add Comment