New Delhi, 10 December: Tuesday din Union Home Minister Amit Shah koise, Jammu and Kashmir deh political leaders thurikena thaga ke charibole laga fesla toh local administration opor deh ase. Etu laga fesla toh central government opor deh nai. Thurikena thaga political leader khan majode tinta former chief ministers be melikena ase.
Minister laga etu statement toh hoile Lok Sabha deh Congress leader, Adhir Ranjan Chowdhury para thurikena thaga political leader toh ketiya charibo hotiya nemide ase.
Shah koise, “Kondu leaders ke hoilebi ek din para besi narakhibole toh kaam nai. Local administration para thek samai laga bhabona howah bechide tai khan ke charidebo. Tati ami khan laga side para mela toh nathakibo”.
Tai koise, Kashmir valley deh situation toh pura “normal” hoise aro ekta goli mara toh nai.
Shaha para Lok Sabha deh koise, “Kashmir valley deh situation toh pura normal ase.l Ami para Congress’s codition normal kuribole naparibo kelay koile tai khan para Article 370 hataideya bechide bloodshed predict kora nemide. Tai khan laga bhabona nesana eku toh howah nai aro ekta goli be mara nai”.
Home Minister koise, 99.5 percent students para examination deshe aro 7 lakh patients OPD, Srinagar deh lok korise.
Tai koise, Jammu and Kashmir deh curfew toh sob police station limits para withdraw korise aro police firing para ekta goli be moranai.
August deh, government para Article 370 hatai deshe. Etu toh Jammu and Kashmir ke special status deya laga ase aro etu state toh tuita union territories- Jammu and Kashmir aro Ladakh deh bonai deshe.
Add Comment