GANGTOK , December 11, 2019: Tuesday East Sikkim, Majhitar laga Sikkim Manipal Institute of Technology (SMIT) te National Senior Chess Championship 2019 suru kurise.
States, union territories, aro PSUs te pora top-rated players total 192 nishena etu championship te participate kurise.
Players te 19 Grand Masters aro 25 International Grand Masters khan ase.
Sports & youth affairs laga secretary, Kuber Bhandari pora etu championship ke inaugurate kurise.
Sikkim karne country laga bishi Grand Masters, International Masters, FIDE Masters, Women International Masters aro top-rated chess players khan ke host kuribole pohili bar ase.
Etu dos dina lampa championship toh All India Chess Federation (AICF) laga nam pora Sikkim Chess Association (SCA) khan pora organize kurise aro etu ke sports & youth affairs department, government of India pora support kurise.
Inaugural te kodha kuriya somoy te, Bhandari pora koise enika state te national championship pora Sikkim te chess ke promote aro develop kuribole modot kuribo.
Tai pora aro koise ki country laga 40 GMs aro IMs khan mohjut dhakiya pora Sikkim te dhakiya chess player khan ke encourage aro motivate kuribole modot kuribo.
Bhandari pora etu chess ke school curriculum te bhi bacha khan ke modot kuribole karne dhalibole laga kodha bhi kurise.
Olap ake te Chief Arbiter, Dharmendra Kumar pora koise ki country laga prestigious aro top-tier chess championship ke host kuribole pariya toh Sikkim karne ektam tangor kamiyab ase.
Etu inaugural function te GM, Abhijit Kunte pora bhi kodha kurise.
Etu inaugural function biche te Chcampionship laga game suru kurise.
Championship te Swiss League System 11 rounds dhakibo.
Aro etu championship toh December 19 te khotam hobo.
Championship laga total prize money Rs 20 lakh ase.
Media persons logot kodha kuriya te, SCA general secretary Mahendra Dhakal pora kosie country te pora top-rated chess players mohjut howa karne etu championship laga standard ke odhai dise.
Add Comment