Rome: Tuesday te Napoli pora Europe te ektam kamiyab coach Carlo Ancelotti ke olai dise, Champions League round laga 16 te qualify kuribole karne Serie A club pora Genk ke 4-0 pora harai diya teen ghonta biche te, aro tai khan nine-match te ekta bhi nachiti kena jai ase. Club pora confirm kurise ki 60 umar coach ke olai dise koi kena, etu coach pora domestic league titles England, France, Germany aro Italy aro Champions League teent bar chiti kena ase.
Tai ke season ekta adha karne charge di kena dhakise.
Napoli, Serie A jowa jarta season te pora teenta te runners-up, khan Serie A te seventh te kirise aro title race pora bahar te olai jai kena dukh paise.
Ancelotti pora tai khan laga Champions League campaign, Group E unbeaten te khotam howa ke, “ etu season te konba satisfactions hi ase aro bishi bhag moi khan laga galty ase koi kena koise.”
Tai pora boile pora hi mana kuri dhakise ki squad nahoile players khan majo te nahoike club’s management majo te chamela olai dhakibo koise kena.
“Yade problem toh team khan bura value ke kobole napariya ase, hoile bhi clashes dhakiya nai, sob jaga te howa nishena incidents howa laga opor te,” tai pora koise.
Add Comment