Dimapur • Kohima • Longleng • Mokokchung • Nagaland • Peren • Phek • Wokha

State deh DLSA para Human Right Day manaise

December 11, 2019
321 Views

Dimapur: Dimapur DLSA para Human Rights Day toh school students logode Government High School Sarbura, Dimapur aro St. John College Dimapur deh manaise.

Sangto Longchar, Project Assistant, Dimapur DLSA para human rights laga kotha koise aro Temjensoba, panel lawyer, Dimapur DLSA para topic “Human rights institution in India” laga kotha koise. Etu toh St. John College Dimapur para ola laga ase aro National Human Right Commission, India para sponsored kora laga ase.

Peren: Peren District Legal Services Authority para December 10 direk Jalukie toen deh human rights day manaise. Zeme Olympic goers ke pamphlets deya thakise.

Phek: Phek DLSA para Human Rights Day toh Government High School, Phek Village laga students logode loise. Mamang Singson, retainer lawyer, Phek DLSA para din laga significance opor deh kotha koise aro Vethothi Vero, PA, Phek DLSA para POCSO Act 2012 laga kotha koise. Sob melikena 46 students programme deh thakise.

Longleng:  Longleng DLSA para December 10 direk Lingtak village deh Human Rights Day manaise. Shingngai para legal volunteer toh programmed eh chaired thakise.

Hamnyei Angh, Project Assistant, Longleng DLSA para human rights laga kotha koise aro Mane Phom, retainer lawyer para human rights deh issues aro violation opor deh kotha koise. Vote of thanks toh P Monyei Phom, panel lawyer para deliver kora thakise.

Mokokchung: Mokokchung DLSA para Government High School Dilong laga students logode International Human Rights Day manaise. District Project Assistant Mapujungla Pongen, panel lawyer Purnungsang Jamir and PLV Pangjungmanen toh MDLSA laga representatives thakise.

Programmed eh panel lawyer Purnungsang Jamir chaired thakise aro sob melikena 38 students programme deh hisha thakise.

Wokha: Wokha District Legal Services Authority para December 10 direk Human Rights Day manaise. Khrievono Seletsu, Judicial Magistrate First Class cum secretary Wokha DLSA toh theme speaker thakise. Tai para human rights, Universal Declaration of Human Rights, gender equality laga kotha koise.

Kohima: Kohima District Legal Services Authority para legal awareness programme loikena Human Rights Day toh Government High School, Tsemenyu deh manaise.