Kiphire, 11 December: Pungro Cutting and Tailoring Institute para December 10 direk ADC office Pungro jaga deh ‘Fairytale’ program cum Exhibition aro material saman bekha loise. Manila Shakti Kendra (MSK) pithor deh joli thaga institution, government laga project, para widows aro destitute women ke tailoring training dae. Program toh Yimchungru Tribal Council, Public Forum Pungro Sub Division, GBs aro general public of Pungro town laga leaders ahikena kothom hoise.
Special Guest, Abhinav Shivam IAS, Additional Deputy Commissioner Pungro koise, society deh moda aro maike laga contribution toh eki ase aro tai khan ke toh eki sabo lakae. Moda para dominate kora society ami khan laga nesana ke, ami khan toh maike laga empowerment nemide kaam kuribo lakae. Maike ke toh space aro respect debo lakae.
Kiusumew Yimchungru, President Public Forum para government ke thanks janaishe kelay koile maike khan nemide etu programme lowah nemide. Event deh kotha kora Susanna,President YBA para challenge maike group open up hobole, inherent rights declare kuribole aro society deh thek motob debole koise.
Etu agae morning deh livelihood tailoring shop maike nemide toh ADC Pungro para inaugurate korise. Programme toh Nuhuta Tunyi, EAC Pungro para moderate korise. Shop toh government laga pilot project ase aro etu toh Tailoring Institute para passes out howah trainees para jolabo.
Add Comment