KOHIMA, DECEMBER 15: “Clout Connect” para December 14 de Oriental Grand, Kohima te ‘Espérance’ Fall/Winter 2019 shuru kurishe.
Aata designers khan etu te Rakholu Rose Puro, Japuno Zinyii, Kedorovino Punyii, Atsi Yhoshii, Neisavonuo Riipreo, Aso Tsiirho, Nutso Kire and Rokozono Nagi laga creation te 24 models khan ramp te beraishe. Theja Sekhose toh choreographer thakishe aro show director Aleno Keditsu & Christina Jemu make-up artist, Kilangyala Longkumer hairstylist aro Shahilo Kent Rinyu Studio official photographer thakishe .
‘Espérance’ Fall/Winter 2019 para designers khan nimete ekta open platform ase tai khan idea dikhabole nimete kile koile toh models khan para tai khan laga creativity dikhai aro audiene khan para tai khan laga personality khan sai fashion laga gallery te .
Etu event luwa toh young creative minds khan alag alag art forms khan dikha craftsmanship para etu uporte ase.Clout connecttoh ekta startup ase Kohima te thaka etu bona toh northeast laga leading local personalities aro brands logote kaam kuribole nimete tai khan laga business objective social media advertisement, marketing aro live events para achieve kuribole nimete ase.
Kohima based advertising agency Clout Connect para ekta platform bonabo kuntu para young artist khan tai khan laga art etu toh design manifesting thakibo nohoile toh ekta concept dikhabole nimete rukhi thaka ase.
Clout Connect para artists khan ke ekta platform dibo tai khan laga products aro services dikhabolenimete main stage te aro innovating marketing ideas para show ke compliment deh.
Add Comment