Washington, 29 March: Japanese star Naomi Osaka koise, etu sal Tokyo Olympics nakhelibole opor te kushi toh powah nai hoilebi 2021 te event lobole postpone kura laga fesla te support ase.
22 sal former world number one para Twitter te koise, coronavirus pandemic te saijai kena aha sal event lobole kora toh thek kora nesana ase.
Osaka koise, Sport toh arobe unite hobole ase aro ami khan nemide hotai toh thakibole ase hoilebi samai toh etiya nahoi.
Japanese Prime Minister Shinzo Abe aro International Olympic Committee para manishe Olympics toh postpone kuribole nemide. Etu toh hoile coronavius nemide monchinda hoikena duniya te athletes para monchinda howah janaideya nemide ase.
Osaka koise, “Sob manu jama ami nemide Olympics keman means ase aro ami laga khor desh te hesha lobo karni ami keman proud hobo. Hoilebe kushi napowah toh etu sal nalobole opor te ase”.
2018 US Open aro 2019 Australian Open champion, Osaka para Japanese manu khan gara thakibole janaikena koise, “Ami khan toh 2021 te poila para be gara hobo karni daiyar thakibo. Ami Prime Minister Abe laga mondangor fesla aro IOC 100% te support ase”.
Osaka koise, Etu samai toh sob desh, backgrounds, aro races melikena para tak besi jevaan bachabo nemide ase”
Add Comment