Tokyo, 29 March: Japanese media koise, International Olympic Committee (IOC) aro Japanese organisers toh aha sal July te Tokyo Games laga opening date bonabo karni kotha kuribole laga final stages te ase.
Jowah hapta Tokyo event toh coronavirus pandemic nemide postpone korise aro game laga opening ceremony toh aha sal July 23 direk te lobo nesana ase aro closing ceremony toh August 8 direk te lobo nesana ase.
Prime Minister Shinzo Abe para ek sal deri hobole laga khobor toh Tuesday din IOC president Thomas Bach logode call kora bechide korishe. Etu toh modern Olympics laga 124 sal history te first postponement ase. Hoilebe 1940 Tokyo Games toh hoile war nemide cancel kora thakise.
Deri kora toh Japan nemide ektum dangor dekthari ase kelay koile tai khan run-up te $12 billion toh invest korikena thaka nemide.
Add Comment