New Delhi, 30 March: Covid19 ola te kelaaf korikena fight kora te cricketer para keman donate koribo koikena kotha olai thaka majode India skipper Virat Kohli aro tai laga actor wife Anushka Sharma toh Prime Minster aro Maharashtra Chief Minster’s relief funds te support debole wada korise. Hoilebe tai para keman debo etu opor te janaideya nai.
Kohli para manu khan ke via video messages para social-distance practice kuribole request korise.
Jowah hapta batting legend Sachin Tendulkar para Rs 50 lakh deya thakise aro former cricketer Suresh Raina para Rs 52 lakh deya thakise.
Shuttler P V Sindhu, wrestler Bajrang Punia, sprinter Hima Das aro BCCI President Sourav Gangully be pandemic te kelaaf korikena fight kora te motob debo karni agae ahishe. BCCI para PM Relief fund te Rs 51 crore deshe.
Add Comment