Kohima, 01 April: Tuesday din NSDMA State Level Control Room, Kezieke, Kohima jaga te State Spokesperson for Covid-19 aro Minister Planning & Coordination, Land Revenue, Neiba Kronu kotha korise. Tai koise, testing nemide 25 samples toh pothaise aro etu te 22 toh negative paise aro 3 samples laga result toh rokhi ase. Total 4704 manu ke students be melikena 6th March 2020 para state te korai ahishe. Tai khan aha bechide respective District Surveillance Teams ke report korise aro tai khan ke home quarantined te rakhishe. Etu laga te 876 jun para quarantine samai kothom korise.
Kronu koise, tusara batch laga medical equipment, PPE Kits, hand gloves, hand sanitizer, N95 mask, portable ventilator, ICU ventilator, full face mask etc laga form te Nagaland nemide Delhi to Guwahati para pothaishe. Etu toh kali state te road para transport kuribo. Tai para be Guwahati para 5000 litres Sodium Hypo Choride, Gloves aro Sanitizers aha janaishe.
Ncovid-19 Nagaland App para total 3905 manu khan nejor app te register korise. Etu toh sob lakiya khobor fill korikena korise. Aro 1165 manu para details full kuribole kora kothom howah nai. Etu nemide Spokesperson para sob ke request korise kon 6th March 2020 para state te ahishe etu khan App te full details debole.
State te total manu khan ke screen kora toh 36494 ase. Total 32121 phone calls toh health helpline numbers para ahishe.
Kronu koise, State te food grains, POL aro tusara kaam laga saman thaka toh normal te ase. District Level Price Monitoring Committees ke be stakeholders Chamber of Commerce & Industries aro business associations nesana khan logode melikena saman laga daam te sai thakibole instruction deshe.
Kronu para sob citizens ke request korise lockdown measures kora te gara para mani thakibole aro khor te he thaki-thakibole. Tai para be shopping kora time te social distancing measures toh gara para thakibole janaishe. Tai para be religious congregations be melikena lock down samai te sob gathering toh bondh ase koise kelay koile etu para virus phelibole ektum chance thaka nemide aro manu ke ektum khatara hobole laga howah nemide. Etu para sob faith based organizations khan eku service nalobole nalobole koise kelay koile etu karni para lock down samai te manu besi jama hobole chance thaka nemide.
Add Comment