London, 09 April: Former India coach John Wright ke toh English county side Derbyshire Cricket Club laga president nemide junishe.
Ex-New Zealand captain toh sob formats te 9,000 runs opor score kora manu ase aro tai toh Harold Rhodes laga jaga lowah ase.
65 sal para total 10,638 first-class runs aro 4,331 List A runs lowah thakise. Etu te tai 1977 aro 1988 sal majode 31 centuries aro top score 190 lowa be melikena ase.
Wright ke toh Derbyshire laga finest players nemide tai. Tai koise, “Ami Derbyshire toh ami laga mon te ektum osor rakhae aro ami Club President nemide serve kuribole karni ektum samaan bhabi”.
Tai aro koise, “Ami yati player aro coach nemide thakikena ektum phal samai manaishe aro ami aji laki laga squad ke be best wish kori ase kelay koile tai khan field te ektum dangor progress kuribole kori thaka nemide”.
Wright toh IPL side Mumbai Indians logode be mela-meli thaka manu ase aro tai 2017 sal Derbyshire laga Specialist Twenty20 coach howah thakise aro side nemide besi sal bechide first Vitality Blast quarter-final te led kora thakise.
Chairman, Ian Morgan koise, “John toh Derbyshire nemide ektum phal batsmen ase. Khela laga din kothom howah bechide be John toh club logode close relationship te thakise aro tai coach nemide korai aha nemide ektum kushi namai ase.
Add Comment