Tokyo, 09 April: International Paralympic Committee ke poisa nemide dekthari toh ase hoilebe etu laga president para motob nemide International Olympic Committee te najabo koise.
President Andrew Parsons koise, tai toh budget para 5 percent katibole kosish kori ase. IPC’s 2018 annual report te etu toh 24.1 million euros ($26.1 million) list kora thakise.
Coronavirus pandemic karni para Tokyo Olympic aro Paralympic postponement korishe aro etu nemide poisa komti howa dekthari olaishe.
Parsons para media logode kotha kora samai te koise, “Etu samai te ami khan IOC logode kotha nakuribo. Ami khan para ami khan laga issue toh nejor para thek kuribole kosish kori ase”.
2018 agreement pithor te IPC ke besi million dollars toh IOC para pai kena ase. Parsons para specific figure toh debole mana korishe.
Besi international sports federations toh motob nemide IOC logode depend ase. IOC para four-year Olympic cycle te $5.7 billion bonaishe aro 91 percent toh broadcast rights bekhaikena aro sponsorships para ase.
Jowah moina IOC president Thomas Bach para interview deya samai te koise, IOC ke poisa komti hoikena dekthari powah toh nai.
Add Comment