US Congressman John Lewis, Civil Rights Icon, 80 umer te morishe

Washington: July 19,2020. John Lewis, civil rights warrior, Friday din 80 umer te morishe. African-American icon kuan Martin Luther King Jr, logot perai thaka samay police para marikena olop para mora nai, tai tuh congressman be thakishe aro protest te be besi par thurishe. “historical hesab te komti manuh giants hoboli parishe, “Martin Luther King III, kuan civil rights icon laga sobse tangor bacha para CNN logot koishe. “John Lewis tuh giant hoikena tai laga example tuh manuh sob para joboli lage”. Lewis tuh sharecropper laga bacha ase, kuan justice nemite larai kori thakishe. Tai logot stage 4 pancreatic cancer 2019 saal te thurishe. White House press secretary Kayleigh McEnany para koishe ke, John Lewis tuh civil right movement te icon thakishe aro tai para kam bhal kori raki-kena jaa tuh ketai be naporibo. Tai laga family logot pathana te ase, aro John Lewis para desh logot contribution kora tuh yaat thakibo. Saturday phujur te White House te flag tuh half-staff thakishe. House speaker Nancy Pelosi para Capital te flag tuh atha lamiboli koishe. Hoilebi Lewis para President Donald Trump logot besi par clashed kurishe—tai laga inauguration samay aro 2016 saal election te be Russia para interfere kurishe koishe. Etu oper te Trump para Lewis’s Georgia laga district tuh “horrible” koishe aro congressman khan tuh “all talk” and “no action.” koishe.